අපරිමිත දයාන්විත අසමසම කරුනාන්විත අල්ලාහ්ගේ නාමයෙනි.

1. අර් රහ්මාන්(අපරිමිත දයාන්විතයා)

2. (ඔහු) මෙම කුර්ආනය ඉගැන්වූයේය.

3. ඔහු මිනිසා නිර්මාණය කළේය.

4. ඔහුට කතා කිරීමට ඉගැන්වූයේය?

5. හිරුත් සදුත් එක්තරා න්‍යායකට බැඳී සිටිති.

6. තවද තරු සහ ගස් යන දෙක (ඔහුට) සුජූත් කරති.

7. ඔහු අහස් ඉහලට නැංවීය. තවද සමතුලනය ඇති කළේය.

8. නුඹලා සමබරතාවය අවුල් නොකරන පිණිස

9. එනිසා තුලාව සාධාරණ ලෙස ඉටු කරනු. තවද තුලනය අඩු නොකරනු.

10. ඔහු සකල ප්‍රාණීන් සඳහා මහපොළොව පිහිටුවිය.

11. එහි පලතුරුද, කොපු තුළ ගෙඩි සහිත ඉදිගස්ද ඇත.

12. එහි පොතු සහිත ධාන්‍යයද සුවඳ පැලෑටිද ඇත.

13. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්‌ෂේප කරන්නේ

14. වළන් මෙන් හඬ නගන වියලි කිරිමැටීයෙන් ඔහු මිනිසා මැව්වේය.

15. ගිනි දැල්ලෙන් ජින්නුන්(අග්නි භූතයන්) මැව්වේය.

16. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

17. (ඔහු) නැගෙනහිර දෙකෙහි හා බස්නාහිර දෙකෙහි රබ්(පරමාධිපති)ය.

18. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

19. ඔහු දෙමුහුදද එකිනෙකට යාවෙන්නට සැලැස්විය.

20. ඒ දෙක අතර ඒ දෙක ඉක්මවා නොයන බාධකයකි.

21. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

22. ඒ දෙක අතුරින් මුතු සහ ගල්පර මතුවෙයි.

23. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

24. ඔවුගේය මුහුදෙහි ඉහලට කඳු මෙන් පැන නගින නෞකාවන්.

25. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

26. එහි (මහපොළොවේහි) පවතින සියල්ල විනාශ වෙයි.

27. තේජාන්විත සහ ගෞරවාන්විත නුඹගේ රබ්(පරමාධිපති) පමණක් සදහටම නොනැසී සිටී.

28. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ?

29. අහස්හි සහ මහපොළොවෙහි සිටින සෑම කෙනකුම (සිය අවශ්‍යතා සඳහා) ඔහුට ආයාචනා කරති. තවද සෑම දිනකම ඔහු (විභූතිමත්) කාර්යයක යෙදී සිටින්නේය.

30. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

31. පොලොවට බරවූ (ජින් හා මිනිසුන් යන) දෙවර්ගයනි, (නුඹලා දෙවර්ගය වග උත්තර කීම සඳහා කැඳවීමට) අපි ඉක්මනින්ම සූදානම්  වන්නෙමු.

32. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේද (යන්න එවිට අපි බලා ගනිමු.)

33. ජින් හා මිනිස් සමූහයනි, අහස් සහ මහපොළොවේ සීමාවලින් පලා යාමට නුඹලාට හැකියාව තිබේ නම් පලා යනු. මහා බලයකින් මිස නුඹලාට පලා යා නොහැකිය.

34. එහෙයින් (ජින් හා මිනිස්සු වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

35. (නුඹලා පලා යෑමට තැත් කළහොත්) නුඹලාට දරා සිටිය නොහැකි ගිනි ජාලයක් සහ දුමාරයක් නුඹලා මත එවනු ලබන්නේය. එවිට නුඹලා දෙවර්ගයටම මිදීමක්‌ නැත.

36. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

37. පසුව අහස පුපුරා රතු සමක් මෙන් රතු පැහැ වන විට (කෙසේ වේවිද?)

38. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

39. එදින තම පාපයන් ගැන මිනිසුන් ගේ ජින්වරුන්ගෙන් අසනු නොලබන්නේය.

40. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ(ද යන්න එවිට බලනු ලැබේ)

41. එවිට වැරදිකරුවෝ ඔවුන්ගේ සලකුණුවලින් හදුනාගනු ලබති. එවිට ඔවුන්ගේ නලල් කෙසින් සහ දෙපයින් අල්ලාගෙන ඇදගෙන එනු ලබති.

42. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

43. වැරදිකරුවන් ප්‍රතික්ෂේප කරන නිරය මෙය වේ. (යැයි එවිට ඔවුනට කියනු ලැබේ.)

44. ඔවුන් ඒ(නිර)ය අතර හා නිම නැති උණු දිය අතර සරිසරන්නෝය

45. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

46. තවද රබ්(පරමාධිපති)ගේ සන්නිධානයේ (පෙනී සිටීමට) බියවන අයට ස්වර්ග උයන් දෙකක් ඇත.

47. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

48. ඒවා සාරවත් නිල් පැහැ අතුවලින් පිරී පවති.

49. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

50. ඒ දෙකෙහි දිය ගලා බසින උල්පත් දෙකකි.

51. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

52. ඒ දෙහෙහි සෑම පලතුරකම දෙවර්ගය බැගින් ඇත.

53. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

54. (ස්වර්ගයේ වාසය කරන්නෝ) ඝන සේද වාටියෙන් යුත් බුමුතුරුණු වල ගිමන් හරිති. එම උයන් දෙකේ පලබර අතු ඇත ළඟය.

55. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

56. එහි විළිබර බැලුම් හෙලන වනිතාවෝ වෙති. මිනිස්සු හෝ ජින්නු ඊට පෙර ඔවුන් ස්පර්ශ නොකලහ.

57. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ  කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

58. ඔවුහු රක්ත මානික්‍ය හා මුතු බදුය.

59. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

60. හොඳට හොදක් මිස පලවිපාකයක් ඇත්ද?

61. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

62. තවද මේ දෙක හැර තවත් උයන් දෙකකි.

63. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

64. ඒ දෙක තද කොළ පාටින් යුක්තය.

65. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)වේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

66. ඒ දෙකෙහි වේගයෙන් ගලා බසින උල්පත් දෙකකි.

67. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

68. ඒ දෙක තුල පලතුරු, රට ඉදි සහ දෙළුම්ද ඇත.

69. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

70. එහි පතිවත් සහ අලංකාර භාර්යාවෝ වෙති.

71. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ?.

72. කූඩාරම්වල රැකවරණය ලද හූරුල්ඊන් (මියුලැසියන්) සිටිති.

73. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

74. (ස්වර්ග්වාසින් වූ) ඔවුනට පෙර මිනිසුන් හෝ ජින්නුන් ඔවුන්ගේ පහස ලබා නැත.

75. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

76. ඔවුහු නිල් පැහැති මෙට්ට සහ සිනිදු බුමුතුරුණු මත වැතිර සිටිති.

77. එහෙයින් (ජින් හා මිනිසුන් වන) නුඹලා දෙවර්ගයේ රබ්(පරමාධිපති)ගේ කවර අනුග්‍රහයද නුඹලා දෙවර්ගය ප්‍රතික්ෂේප කරන්නේ.

78. තේජාන්විත සහ ගෞරවාන්විත නුඹගේ රබ්(පරමාධිපති)ගේ නාමය අතිශ්‍රේෂ්ඨය.

1. අස්සාඅත් (මළවුන් කෙරෙන් නැගිටුවන ලබන දිනය) ලඟාවී ඇත. තවද සඳ දෙබෑවී ඇත.

2. (නමුත් මෙම ජනයා) කුමන සංඥාවක් ඔවුන් දැක්කද එය නොසලකා හරින්නේය. තවද මෙය දිගටම පවතින ඉන්ද්‍රජාලමකැයි කියති.

3. ඔවුහු (මෙයද) ප්‍රතික්ෂේප කළහ. තමන්ගේ මනෝ ඉජ්චාව පිළිපැද්දාහ. සෑම දෙයකටම නියමිත අවසානයක් ඇත.

4. (සීමාව ඉක්මවීමෙන් ඔවුන්) වැළැක්විය හැකි (පෙර විසු ජනසමාජ පිලිබඳ) වෘත්තාන්ත නියත වශයෙන් ඔවුන් වෙත පැමිණ ඇත.

5. ගැඹුරු ප්‍රඥාවද (ලැබී ඇත) නමුත් අනතුරු ඇඟවීම ඔවුනට ප්‍රයෝජනය නොවන්නේය.

6. (නබි මුහම්මද්) එනිසා ඔවුන්ගෙන් ඉවත් වනු. කැඳවන්නෙකු ඉතා බිහිසුණු සිද්ධියකට කැඳවන දින

7.  (ජනයා) පහත හෙළන ලද බැල්මෙන් යුතුව ඔවුහු තැනින් තැන විසිරි සිටි පලගැටියන් මෙන් මිනීවලවලින් බිහිවෙති.

8. (ඔවුහු) කැඳවන්න දෙසට දිව එති. (මෙලොවදී එය ප්‍රතික්ෂේප කළ) අවිශ්වාසිකයෝ සැබවින්ම මෙය දුෂ්කර දිනයකැයි කියති.

9. ඔවුනට පෙර නූහ්ගේ ජනයාද ප්‍රතික්ෂේප කළහ. ඔවුහු අපගේ ගැත්තා ප්‍රතික්ෂේප කොට උන්මත්තකයකු කීහ. තවද ඔහු පන්නා දමන ලදී.

10. (එවිට ඔහු) මම පරාජිතයෙක්මි. මට උදව් කරනු මැනවයි තම රබ්(පරමාධිපති)ට ප්‍රර්ථනා කළේය.

11. එහෙයින් අපි ධාරානිපාත වැසි සහිතව අහසේ දොරටු විවෘත කළෙමු.

12. තවද මහපොළොව පලා උල්පත් ඇති කළෙමු. එවිට පෙර නියමය පරිදි ජලය එකතු විය.

13. තවද ලෑලි වලින් සහ ඇණවලින් සාදන ලද දැය මත අපි ඔහු ඉසුලුවෙමු.

14. ආකෘතඥ වූ අයට දඩුවමක් ලෙස

15. නියත වශයෙන් අපි එය සලකුණක් කළෙමු. එයින් අවවාද ලබන්නෙක් ඇත්ද?

16. මාගේ දඩුවම සහ අවවාදය කෙසේ වීද?

17. අල්-කුර්ආනය දැනමුතුකම් ලැබීමට නියත වශයෙන් අපි පහසු කළෙමු. එයින් අවවාද ලබන්නෙක් ඇත්ද?

18. ආද් (ජනයා) ප්‍රතික්ෂේප කළහ. එහෙයින් ම‍ෙ දඩුවම් හා අවවාදය කෙසේ වීද?

19. නිරතුරුව අභාග්‍ය සම්පන්න වූ දිනය අප චණ්ඩමාරුතය ඔවුන් වෙත එව්වෙමු.

20. එය මුලිනුදුරන ලද ඉදි ගස් මෙන් මිනිසුන් උදුරුවාගෙන ගියේය.

21.  එහෙයින් මාගේ දඩුවම සහ අවවාදය කෙසේවීද?

22. කුර්ආනය දැනමුතුකම් ලැබීමට නියත වශයෙන් අපි පහසු කළෙමු. එයින් අවවාද ලබන්නෙක් ඇත්ද?

23. සමූද් ජනයා අනතුරු ඇඟවීම ප්‍රතික්ෂේප කළහ.

24. අපගෙන්වූ මිනිසකු ඩ අපි අනුගමනය කරන්නේ? එවිට අප නියතවශයෙන්ම මංමුළාවේ හා උමතු බවෙහිමයැයි ඔවුහු කීහ.

25. අප අතුරින් ඔහුට අනුශාසනය දෙන ලද්දේද? නැත. ඔහු අන්ත බොරුකාරයකි. රැවටිලි කාරයෙකි.

26. අන්ත බොරුකාරයා සහ රැවටිලිකාරයා කවුරුන් දැයි ඔවුහු හෙට දැනගන්නෝය.

27. නියතවශයෙන් අපි ඔටු දෙන එවන්නෙමු. ඔවුනට පිරිස්සුමක් ලෙස, එහෙයින් ඔවුන්(ගේ ඉරණම) ගැන ඉවසිල්ලෙන් බලා ගනු.

28. ජලය (ඔටුදෙන හා) ඔවුන් අතර බෙදිය යුතුයිද සියල්ලන් (තම තමන්ගේ) පානයට ඉදිරිපත් විය යුතු යැයි (නබි මුහම්මද්) ඔවුනට දන්වනු.

29. එවිට ඔවුහු තම සඟයා කැඳවුහ. ඔහු වගකීම් භාර ගත්තේය. තවද ඇය (ඔටුවා) ඝාතනය කළේය.

30. මාගේ දඩුවම් සහ අවවාදය කෙසේවීද

31. නියතවශයෙන් අපි ඔවුන් වෙත එකම ගිගිරුමක් එව්වෙමු. එවිට ඔවුහු හරක් ගාලක පෑගුණු පිදුරු මෙන් විය.

32. අල්-කුර්ආනය දැනමුතුකම් ලැබීමට නියතවශයෙන් අපි පහසු කළෙමු. එයින් අවවාද ලබන්නෙක් ඇත්ද?

33. ලූත්ගේ ජනයා අවවාදය ප්‍රතික්ෂේප කළහ.

34. ගල්වැහි සහිත කුණාටුවක් එව්වෙමු. නියතවශයෙන් ලූත්ගේ දරුපවුල හැර. (අන් අය විනාශයට පත් කළ) රාත්‍රී කාලයේ අවසන් කොටසේදී අපි ඔවුන් මිදෙව්වෙමු.

35. අපගේ ආශිර්වාදයක් වශයෙන්, ගුණගරුක අයට එලෙසම අප තිලින පිරිනමනුයේ

36. අපගේ දඩුවම ගැන ඔහු ඔහුනට අනතුරු ඇඟවීය. නමුත් ඔවුහු අනතුරු ඇඟවීම සැක කළහ.

37. ඔවුහු ඔහුගේ අමුත්තන් ඔහුගෙන් පැහැර ගැනීමට තැත් කළහ. එවිට අපි ඔවුන්ගේ ඇස් අන්ධ කළෙමු. තවද මාගේ දඩුවම ද අවවාදය ද රස විදිනු (යි කීවෙමු.)

38. සදාකාලිකව පැවතෙන දඩුවම උදෑසනම ඔවුන් කරා නියතවශයෙන් පැමිණියේය.

39. තවද මාගේ දඩුවමද අවවාදයද රස විදිනු(යි කීවෙමු)

40. අල්-කුර්ආනය දැනමුතුකම් ලැබීමට නියතවශයෙන් අපි පහසු කළෙමු. එයින් අවවාද ලබන්නෙක් ඇත්ද?

41. ෆීර්අවුන්ගේ ජනයයා වෙත අනතුරු ඇඟවීම නියතවශයෙන් පැමිණියේය.

42. ඔවුහු අපගේ සියලුම ආයාත් ප්‍රතික්ෂේප කළහ. එබැවින් සර්ව බලධාරී සර්ව බලසම්පන්නයාගේ ග්‍රහණය ලෙසින් අපි ඔවුන් ග්‍රහණය කළෙමු.

43. (මක්කාවාසීන් අතුරින්) නුඹලාගේ අවිශ්වාසිකයින් ඔවුනට වඩා හොඳ ද? නැතහොත් ධර්ම ග්‍රන්ථවල නුඹලාට මිදීමක්‌ තිබේද?

44. නැතහොත් අප සියලු දෙනා ජයග්‍රාහකයෝ වෙමුයි ඔවුහු කියන්නෝද?

45. මේ පිරිස ඉක්මනින්ම ඉමහත් පරාජයකට පත්කරනු ලබන්නෝය. තවද ඔවුන් සියලු දෙනාම පසුපස හැරී පලා යන්නෝය.

46. අස්-සාඅත් (මළවුන් කෙරෙන් නැගිටුවනු ලබන දිනය) ඔවුනට නියමිත් කාලය වේ. එම අස්-සාඅත් ඉතා ඛේදජනකය. ඉතා තිත්තය.

47. නියතවශයෙන්ම මෙම වැරදි කරුවෝ නොමගෙහිය. තවද උමතු භවෙහිය.

48. මුනින් අතට ඔවුන් නිරාගින්නට ඇදගෙන යනු ලබන දිනයේ, නිරා ගින්නෙහි රස විදිනුයි ඔවුනට කියනු ලැබේ.

49. නියතවශයෙන් අපි සෑම දෙයක්ම නියමයක් අනුව මැව්වේමු.

50. අපගේ අණ එකම ආඥාවක් පමණි. එය ඇසිපිය හෙළන මොහොතක් තුල ක්‍රියාත්මක වෙයි.

51. නුඹලා වැනි බොහෝ දෙනා නියතවශයෙන් අපි විනාශ කළෙමු. අවවාද ලබන්නෙක් ඇත්ද?

52.  ඔවුන් කළ සියලු දෑ ලේඛනවල සටහන් වී ඇත.

53. කුඩාවුත් විශාලවුත් සියලු දෑ ලියා තබන ලදී.

54. බියබැති අය නියත වශයෙන් උයන් සහ දිය දහර අතර (වාසය කරන්නෝ)ය.

55.  සර්ව බලධාරී රජුගේ සන්නිධානයෙහි සත්‍යය ස්ථානයෙහිය.

අපරිමිත දයාන්විත අසමසම කරුණාන්විත අල්ලාහ්ගේ නාමයෙනි.

1. තාරකා අස්තගතවන කල්හි, ඒ මත දිවුරමින්

2. නුඹලාගේ සහචරයෝ නොමඟ නොගියේය. තවද මුලාවීද නැත.

3. ඔහු (සිය) මනෝ ඉච්ඡාව අනුව කතා නොකරන්නේය.

4. එය ඔහු වෙත පහල කලන ලද වැහී(හෙළිදරව්ව) මිස නැත.

5,6. ඉමහත් ප්‍රඥාවෙන් යුක්ත බලගතු තැනැත්තෙකු (එය) ඔහුට ඉගැන්වූයේය. එහෙයින් ඔහු (එහි) රැඳී සිටියේය.

7. ඔහු ඉහල ක්ෂතිජයේහි සිටියදී

8. ඉන්පසුව ඔහු සමීපයට පැමිණියේය. තවද පාවෙමින් සිටියේය.

10. ඉන් අනතුරුව ඔහු(අල්ලාහ්)ගේ ගැත්තාට පහළ කළයුතු දෑ (වහී ලෙස) පහළකළේය.

11.  (ඔහුගේ) මනස ඔහු දුටු දෑ බොරු නොකළේය.

12. ඔහු දුටු දෑ ගැන නුඹලා ඔහු සමග විවාද කරන්නහුද?

13. නියතවශයෙන් (නබිවරයා) තවත් වතාවක් ඔහු දුටුවේය.

14. සිද්රතුල් මුන්තහාව (ගස) අසල

15. ඒ අසලම ජන්නතුල් මඃවාද (මඃවා ස්වර්ගය පිහිටා තිබෙන්නේය.)

16. වෙලාගන්නාවූ දේ සිදරාහ්ව වෙලාගත් කල්හි

17. (ඔහුගේ) දර්ශනය ඉවත නොවීය. තවද සීමාව නොඉක්මවීය.

18. නියතවශයෙන් ඔහු තම රබ්(පරමාධිපති)ගේ ශ්‍රේෂ්ඨතම සංඥාවලින් සමහරක් දුටුවේය.

19. ලාත් සහ උස්සා ගැන නුඹලා (කිසිදාක) සිතුවේද?

20. තවද තුන්වැන්නා වන මනාත් ගැනද (සිතුවේද?)

21. නුඹලාට පුරුෂයින් හා ඔහු(අල්ලාහ්)ට ස්ත්‍රීන්ද

22. එසේ නම්, නියතවශයෙන්ම මෙය අසාධාරණ බෙදීමකි.

23. ඒවා නුඹලා සහ නුඹලාගේ මුතුන් මිත්තන් නම් කළ නාමයන් මිස නැත. ඒ ගැන අල්ලාහ් කිසිම බලයක් පහළ කලේ නැත. අනුමානය හෝ මනසේ ආශාවන් මිස ඔවුහු අනුගමනය නොකරති. ඔවුන්ගේ රබ්(පරමාධිපති)ගෙන් යහමඟ නියතවශයෙන් ඔවුනට පැමිණියේය.

24. තමන් ආශා කරන දෑ මිනිසාට (නිවැරදි යයි ඔහු කල්පනා කරන්නේ)ද?

25. පරලොවද මෙලොවද අල්ලාහ් සතුය.

26. අහස්හිද කොපමණ මලක්වරුන්ද නමුත් ඔවුන්ගේ මැදිහත්වීම ප්‍රයෝජනයක් ගෙන නොදෙන්නේය. ඔහු(අල්ලාහ්) අභිමතවූ සහ තෘප්තිමත්වූ කෙනෙකුට (මැදිහත්වීමට ඔහුට) අල්ලාහ් අවසර දුන්නායින් පසුව මිස.

27. නියත වශයෙන් පරලොව ගැන විශ්වාස නොකරන අය මලක්වරුන්ට ස්ත්‍රීන්ගේ නාමයන්වලින් නම් කරති.

28. (නමුත්) ඔවුනට ඒ ගැන දැනුමක් නැත. ඔවුන් අනුමානය අනුගමනය කරනු මිස නැත. අනුමානය සත්‍යය පිලිබඳ නියතවශයෙන් කිසිම දෑකින් ප්‍රයෝජනය නොවන්නේය.

29. එනිසා (නබි මුහම්මද්) අප සිහිපත් කිරීමෙන් වැලකී, මෙලොව ජීවිතය හැර වෙනත් කිසිවක් අපේක්ෂාවෙන් නොකරන අයගෙන් ඉවත් වනු.

30. මෙය ඔවුන්ගේ ඥානයේ තරමයි. ඔහුගේ මාර්ගයෙන් නොමඟ ගිය අය ගැන ඉතා හොඳින් දන්නේ නුඹගේ රබ්(පරමාධිපති) පමණි. තවද යහමග යන අය ගැනද මැනවින් දන්නේ ඔහුය.

31. අහස්හි දෑද මහපොළොවෙහි දෑද අල්ලාහ් සතුය. ඒ නිසා පව් කරන්නන්ට ඔවුන් කල දෑ අනුව ඔහු(අල්ලාහ්) පලවිපාක දෙන්නේය. තවද යහපත් කළවුනට හොඳ පල විපාක දෙන්නේය.

32. සුළු වැරදි හැර බරපතල අවිනීතකම්වලින්ද වැලකී සිටින අයට (අල්ලාහ් තිලින පිරිනමන්නේය.) නුඹලාගේ රබ්(පරමාධිපති) සමාව දීමේදී විපුලය. ඔහු නුඹලා පොළොවේ(පසි)න් මැවූ අවස්ථාවෙහිද නුඹලා නුඹලාගේ මව්වරුන්ගේ ගර්භයෙහි කළලය ලෙසින් සිටි අවස්ථාවේද ඔහු(අල්ලාහ්) නුඹලා ගැන මැනවින් දනියි. එහෙයින්     නුඹලාම නුඹලා සුවිශුද්ධ යැයි නොකියනු. බියබැතිමත් අය ගැන ඔහු මැනවින් දනියි.

33. තවද (නබි මුහම්මද් අල්ලාහ්ගේ මාර්ගයෙන්) හැරුණු අයකු ලෙස නුඹ දැක තිබේද?

34. තවද, ස්වල්පයක්දී නවත්වා ගත් අයකු (නුඹ දැක තිබේද?)

35. ගුප්ත දෑ පිලිබඳ ඥානය ඔහුට තිබේද? එමගින් ඔහු සත්‍යය දකින්නේද?

36. මූසාගේ ධර්ම ග්‍රන්ථයේ දෑ ඔහුට දන්වනු නොලැබුවේද?

37. තවද තම පොරොන්දු ඉටු කළ ඉබ්‍රාහීම්ගේ ධර්ම ග්‍රන්ථ ගැනද?

38. බර උසුලන කිසිම කෙනකු වෙනත් කිසිවකුගේ බර උසුලන්නේ නැතැයි යනුවෙන්ද

39. මිනිසාට ඔහු වෙහෙස දැරූ දෑ මිස නැතැයිද

40. ඔහුගේ වෙහෙසේ (ප්‍රතිපල) ඔහු මතු දකිනු ලබන්නේ යැයිද

41. ඉන්පසු ඔහුට පූර්ණ ඵලවීපාක දෙනු ලබන්නේ යැයිද

42. තවද අවසාන ඉලක්කය නුඹගේ රබ්(පරමාධිපති) වෙත යැයිද

43. තවද (මිනිසුන්ට) සිනාසීමට සහ වැළපීමට සලස්වන්නේ ඔහුම යැයිද

44. මරණය පමුනුවන්නෙත් ජීවිතය පිරිනමන්නෙත් ඔහුම යැයිද

45,46 ශුක්‍රාණු බිඳුවකින්, එය පහවූ විට පුරුෂ සහ ස්ත්‍රී දෙවර්ගය නිර්මාණය කළේ ඔහුම යැයිද

47. නැවත නිර්මාණය පිරිනමන්නේ ඔහුම යැයිද

48. ධනවත් වීමට සැලැස්වූයෙත්, වස්තුව පිරිනැමූවෙත් ඔහුම යැයිද

49. ෂිඅරාහි රබ්(හිමි) ඔහුම යැයිද

50. පළමුව පැවති ආද් ජනසමාජය විනාශ කලෙත් ඔහුම යැයිද

51. තවද සමූද් ජන සමාජයද – ඔවුනගෙන් කිසිවකුත් ඉතුරු නොකර, (විනාශය කලෙත් ඔහුම යැයිද)

52. තවද ඊට පෙර නූහ්ගේ ජනතාවද, (විනාශය කළේත් ඔහුම යැයිද) නියතවශයෙන්ම ඔවුහු ඉතා කෘර සහ සීමාව ඉක්මවන්නෝද වුහ.

53. උඩ යටිකුරු කරන ලද නගරයන් විනාශ කලෙත් ඔහු යැයිද

54. එවිට එය වැසූ දැය වැසුවේ යැයිද (ඔහු ට දන්වනු නොලැබුවේද)

55. එහෙයින්, (මිනිසාණෙනි,) නුඹගේ රබ්(පරමාධිපති)ගේ කවර අනුග්‍රහයක් ගැනද නුඹ සැක කරන්නේ?

56. මෙය ආදියේ දුන් අනතුරු ඇඟවීමවලින් එකකි.

57. පැමිණෙන දෑ (විනිශ්චය දිනය) ළඟය

58. අල්ලාහ් හැර එය වළක්වන්නකු නැත.

59. මෙම දේශනය ගැනද නුඹලා පුදුම වන්නේ?

60. තවද නුඹලා සිනාසෙන්නේද? නුඹලා අඩන්නේ නැතිද?

61. තවද නුඹලා ප්‍රීති උත්සව පවත්වන්නේද? (මෙසේ මේවා නතර කරගන්නට තැත් කරන්නේද?)

62. (එසේ නොව) අල්ලාහ්ට සුජූද් කරනු. තවද ඔහු නමදිනු.

අපරිමිත දයාන්විත අසමසම කරුනාන්විත අල්ලාහ්ගේ නාමයෙනි.

1. තූර් කන්ද මතද

2, 3. හමින් වූ දිග හරින ලද ලිඛිත ග්‍රන්ථය මතද

4. නිරන්තරයෙන් භාවිතා වන ගෘහය මතද

5. උස්වූ උණු වියන මතද

6. රළ නංවන මහා සාගරය මතද (දිවුරමි)

7. නියතවශයෙන්ම නුඹගේ රබ්(පරමාධිපති)ගේ දඩුවම සිදුවන්නේමය.

8. එය වලක්වන්නකු නැත.

9. අහස දරුණු ලෙස චලනය වන දිනය

10. තවද කදු එහා මෙහා දරුණු ලෙස ගමන් කර(න දින)යි

11. (සත්‍යය) බොරු යැයි කියනවුනට එදින විනාශයයි.

12. ඔවුහුය, පුහු තර්කවල යෙදෙමින් විනෝද වන්නෝ.

13. නිරා ගින්නට ඔවුන් වේගයෙන් ඇද දමනු ලබන දින,

14. නුඹලා බොරු යැයි කියමින් සිටි ගින්න මෙයයි. (ඔවුනට කියනු ලැබේ)

15. මෙය ඉන්ද්‍රජාලමක්ද? නැතහොත් නුඹලා එය නොබලන්නේහුද?

16. නුඹලා එහි ප්‍රවේශ වනු. නුඹලා ඉවසීමෙන් දරා ගත්තත්, ඉවසීමෙන් දරා නොගත්තත් නුඹලාට එක සමානය. නියත වශයෙන්මැ නුඹලා කරමින් සිටි දෑටය නුඹලාට පල විපාක දෙනු ලබන්නේ.

17.  නියත වශයෙන් බිය බැතිමත් අය ස්වර්ග උයන්වල සහ ආශිර්වාදයෙහි සිටිති.

18. ඔවුන්ගේ රබ්(පරමාධිපති) ඔවුනට දුන් දෑවලින් ප්‍රීති ප්‍රමෝද වෙමින් (සිටිති) තවද ඔවුන්ගේ රබ්(පරමාධිපති) නිරයේ දඩුවමින් ඔවුන් ආරක්ෂා කළේය.

19. නුඹලා කරමින් සිටි දැය හේතු කොටගෙන සැපසේ (කැමති පරිදි) අනුභව කරනු. පානය කරනු යැයි ඔවුනට කියනු ලැබේ.

20. ඔවුහු පෙළට තබන ලද සයනාසනවල හාන්සි වී සිටිති. තවද අපි ඔවුනට හූරුන් ඊන් (මියුලැසියන්) ජෝඩු කර දෙන්නෙමු.

21. විශ්වාස කළ අය හා විශ්වාසයෙහි ඔවුන් අනුගමනය කළ ඔවුන්ගේ දරු පරපුරද – ඔවුන්ගේ (එම) දරුපරපුරත් සමඟ එකතු කරන්නෙමු. තවද ඔවුන්ගේ ක්‍රියාවලින් කිසිවක් අපි ඔවුනට අහිමි නොකරන්නෙමු. සෑම මිනිසෙකුම තමා සැපයු දැයට ඇපය වන්නේය.

22. පලතුරු සහ මාංශවලින් ඔවුන් ප්‍රිය කරන දෑ අපි ඔවුනට සපයන්නෙමු.

23. ඔවුහු එහිදී (මිදී පැන්) කුසලාන කර ගනිති. එහි දොඩමලු බවක් හෝ පවට පෙළඹවීමක්ද නැත.

24. සුරැකි මුතු බඳු තරුණ ළමයි ඔවුන් වටා යමින් ආව තේව කරති.

25. ඔවුන්ගෙන් ඇතැමෙක් ඇතැමෙකුගෙන් (ඔවුන්ගේ ලෞකික ජීවිතය ගැන)  විචාරති.

26. මීට පෙර නියතවශයෙන් අපි අපගේ නෑදැයින් අතර (අල්ලාහ්ගේ අභිමතය ගැන) බියෙන් යුතුව සිටියෙමුයි ඔවුහු කියති.

27. එනිසා අල්ලාහ් අප හට අනුග්‍රහය දැක්වීය. තවද දිලිසෙන සුළගේ දඩුවමින් අප ආරක්ෂා කළේය.

28. නියතවශයෙන් මීට පෙර අපි ඔහු(අල්ලාහ්)ව අයැද සිටියෙමු. නියතවශයෙන් පරෝපකාරී සහ අසමසම කරුනාන්විතයාණන් ඔහුමය.

29. එනිසා (නබි මුහම්මද්) ධර්මෝපදේශය දෙනු. නුඹගේ රබ්(පරමාධිපති)ගේ අනුග්‍රහය හේතු කොටගෙන නුඹ පේන කියන්නකු හෝ උම්මත්තකයකු නොවේ.

30. ඔහු කවියෙකි. ඔහුට කාලයාගේ බ්‍රමණය (විපත්තිය) අපි බලාපොරොත්තු වන්නෙමුයි ඔවුහු කියන්නෝද?

31. බලාපොරොත්තු වනු. නියතවශයෙන්ම මමද නුඹලා සමග බලාපොරොත්තුවෙන් සිටින්නන්ගෙන් කෙනෙකු වෙමියි, (නබි මුහම්මද්) කියනු.

32. නැතිනම් ඔවුන්ගේ බුද්ධිය ඔවුනට එසේ කිරීමට අණ කරන්නේද? නැතහොත් ඔවුන් සීමාව ඉක්මවූ ජනතාවක්ද?

33. නැතිනම් ඔහු එය(කුර්ආනය) ගෙතුවේ යැයි ඔවුහු කියන්නෝද? නො එසේය. ඔවුහු විශ්වාස නොකරන්නෝය.

34. ඔවුන් සත්‍යවාදී නම් එවැනි දේශනයක් ගෙනෙත්වා

35. නැතහොත් කිසිවෙක් නොමැතිව ඔවුන් මවනු ලැබුවේද? නැතහොත් ඔවුහු(ඔවුන්ගේ)ම මැවුම්කරුවෝ වෙත්ද?

36. නැතහොත් මොවුහු අහස් සහ මහපොළොව මවා ඇත්තෝද? නැත. මොවුහු ස්ථිර ලෙස විශ්වාස නොකරන්නෝය.

37. නැතහොත් නුඹගේ රබ්(පරමාධිපති)ගේ නිධාන මොවුන් සතුව තිබේද? නැතහොත් ඒවායේ පූර්ණ බලය ඔවුන් සතුද?

38. නැතහොත් (එහි ආරෝහණය වී රහස්වලට) ඇහුම්කන් දෙන්නට හැකි ඉනිමගක් ඔවුන්ට තිබේද ? එසේ නම් ඔවුන්ගෙන් ඇහුම්කන් දෙන්නා පැහැදිලි සාධකයක් ගෙනෙත්වා.

39. නැතහොත් ඔහු(අල්ලාහ්)ට දූදරුවන් ද නුඹලාට පුතුන්ද ?

40. නැතහොත්, නුඹ ඔවුන්ගෙන් කිසියම් පඬුරක් ඉල්ලා සිටිනවාද ? එනිසා ඔවුන් ණය බරින් මිරිකී සිටිනවාද?

41. නැතහොත්, ගුප්ත දෑ (වල යථාර්ථය පිළිබඳ දැනුමක්) ඔවුන් සතුව තිබේද? (ඒ අනුව) ඔවුහු ලියන්නෝද?

42. නැතහොත්, කුමන්ත්‍රණයක් සැලසුම් කිරීමට ඔවුහු සිතන්නේහුද? ප්‍රතික්ෂේප කරන්නන්ගේ කුමන්ත්‍රණය ආපසු එල්ල වන්නේ ඔවුන් වෙතමය.

43. නැතහොත්, ඔවුනට අල්ලාහ් හැර වෙනත් දෙවියෙකු සිටීද? ඔවුන් ආදේශ කරන දෙයින් අල්ලාහ් සුවිශුද්ධය.

44. අහසින් කැබැල්ලක් කඩා වැටෙනු ඔවුන් දුටුවානම්, මෙය වලාකුළු සමූහයක් යැයි ඔවුහු කියන්නෝය.

45. එනිසා (නබි මුහම්මද්) ඔවුනට පහර වදින ඔවුන්ගේ එම දිනය ඔවුන් දකින තුරු ඔවුන් හැර දමනු.

46. එදින ඔවුන්ගේ කුමන්ත්‍රණය ඔවුනට කිසිම ප්‍රයෝජනයක් නොවන්නේය. තවද (එදින) ඔවුහු උදව් නොලබන්නෝය.

47. නියතවශයෙන් අපරාධකරුවන්ට (ඊට පෙර) ඒ හැර වෙනත් දඩුවමක් ඇත. නමුත් ඔවුන්ගෙන් වැඩි දෙනෙක් නොදනිති.

48. (නබි මුහම්මද්) නුඹගේ රබ්(පරමාධිපති)ගේ තීන්දුව ඉවසීමෙන් විඳ දරා ගනු. නියතවශයෙන් නුඹ අපගේ ඇස් ඉදිරියෙහිය. තවද නුඹ නැගිටින විට නුඹගේ රබ්(පරමාධිපති) පැසසුමෙන් සුවිශුද්ධ කරනු.

49. රාත්‍රීයෙහිද තවද තාරකා බැස යන අවස්ථාවෙහිද (ඔහු සුවිශුද්ධ කරනු)

අපරිමිත දයාන්විත අසමසම කරුණාන්විත අල්ලාහ්ගේ නාමයෙනි.

1. දූවිලි විසිරුවා හරින දෑ (සුළඟ) මතද

2. වැහි බර උසුලා ගෙන යන වලාකුළු මතද

3. ලෙහෙසියෙන් ගමන් කරන (සුළඟ) මතද

4. (වර්ෂාව ලබාදීමේ) විශාල කටයුතු ඉටු කරන (සුළඟ) මතද දිවුරමි.

5. නුඹලාට අවවාද කරනු ලබන දෑ නියත වශයෙන් සැබෑ වෙයි.

6.  නියතවශයෙන් විනිශ්චයද සිදුවන්නේමය.

7. විවිධාකාරයෙන් යුත් අහස මත දිවුරමින්

8. (පරලොව පිළිබඳව) නියතවශයෙන් නුඹලා විවිධ අදහස් මතය.

9. (සත්‍යයෙන්) බැහැරවී සිටින අය පමණක් එයින් (විනිශ්චය පිලිබඳ විශ්වාස කිරීමෙන්) බැහැරය.

10. මවාපාන්නන්ට විනාශයයි.

11. අන්ධකාරයෙහි ගිලී, නොසැලකිලිමත්වද සිටින අය

12. විනිශ්චය දිනය කවදාදැයි ඔවුහු අසති.

13. එය ඔවුන් නිරා ගින්නෙහි දඩුවම් කරනු ලබන දිනය වෙයි.

14. නුඹලාට අයත් දඩුවම රසය විදිනු. ඉක්මන් කරන්නැයි නුඹලා ඉල්ලා සිටි දෑ මෙයයි.

15. බියබැතිමත් අය නියතවශයෙන් ස්වර්ගයේ උයන්හිද දිය දහර අතරද සිටිති.

16. ඔවුන්ගේ රබ්(පරමාධිපති) ඔවුනට දුන් දෑ ලබාගෙන (ඔවුහු ප්‍රීතිමත්ව) සිටිති. (මෙදින එළබීමට) පෙර ඔවුහු යහකම් කරන්නෝ වූහ.

17. ඔවුන් රාත්‍රියෙහි නිදා ගත්තේ මද වශයෙනි.

18. හිමිදිරි පාන්දර ඔවුහු (අල්ලාහ්ගෙන්)  ක්ෂමාව අයදිති.

19. ඔවුන්ගේ වස්තුවෙහි යදින්නටද, දිළින්දාටද කොටස් තිබුණි.

20. අවංක විශ්වාසීකයින්ට මහපොළොවෙහි සංඥාවන් ඇත.

21. තවද නුඹලා තුළද ඇත. නුඹලා (එය) නොදකින්නෙහිද?

22. නුඹලාගේ බෝජුන්ද නුඹලාට පොරොන්දුවූ දෑද අහසෙහිය.

23. අහස සහ මහපොලොවේ රබ්(පරමාධිපති)ගේ නාමය මත දිවුරමින්, එය නියතවශයෙන් නුඹලා දැන් කතා කරන්නාක් මෙන් සත්‍යවෙයි.

24. (නබි මුහම්මද්) ඉබ්‍රාහීම්ගේ සම්භාවනීය අමුත්තන් පිලිබඳ වෘත්තාන්තය නුඹට ලබුනෙහිද?

25. ඔවුහු එහි පිවිසි විට සාමය වේවායි කීහ. එවිට ඔහු(ඉබ්‍රාහිම්) සාමය වේවායි නුඹලා නාදුනන පිරිසක්යි කීහ.

26. ඉන්පසු ඔහු තම පවුල වෙත ගොස් මහතා වසු පැටවකු ගෙන ආවේය.

27. ඔහු එය ඔවුන් ඉදිරියේ තබා, නුඹලා අනුභව කරන්නේ නැද්දැයි කීය.

28. ඔහු ඔවුන්ගෙන් බියක් හටගැන්වුයේය. බිය නොවනුයි ඔවුහු කීහ. තවද නැණවත් පුතකු(ගේ උපත) පිලිබඳ ශුභාරංචිය ඔවුහු ඔහුට දුන්හ.

29. ඔහුගේ බිරිඳ විලාප නගමින්, ඇගේ මුහුණට ගසා ගනිමින් (මා) වඳ නාකි ගැහැනියකියි කීවාය.

30. නුඹගේ රබ්(පරමාධිපති) කියා ඇත්තේ එසේය. නියතවශයෙන් ඔහු සර්ව ප්‍රඥය, සර්වඥ යැයි ඔවුහු කීහ.

31. දේව දූතයිනි, ඔබලාගේ විශේෂ පණිවිඩය කුමක්දැයි ඔහු(ඉබ්‍රාහිම්) කීවේය.

32. නියත වශයෙන්ම අපි පව්කාර ජනතාවක් වෙත එවනු ලද්දෙමුයි ඔවුහු කීහ.

33. කිරිමැටියෙන් යුත් ගල් අප ඔවුන් මත වැස්සවීම පිණිස

34. සීමාව ඉක්මවූ අයට නුඹගේ රබ්(පරමාධිපති)ගේ සංනිධානයෙන් සලකුණු කරන ලද (ගල්)

35. එවිට එහි සිටි විශ්වාස කරන්නවුන් එවිට අපි බැහැර කළෙමු.

36. එහෙත් එහි මුස්ලිම්වරුන්ගේ එක් නිවසක් මිස අපට හමු නොවිය.

37. අනතුරුව වේදනීය දඩුවමට බියවන අයට අපි එහි එක් සඥාවක් ඉතිරි කළෙමු.

38. මූසාගේ චරිතයෙහිද (නුඹට සංඥාවක් තිබේ.) අපි ඔහු පැහැදිලි බලයක් සහිතව ෆීර්අවුන් වෙත යව්වෙමු.

39. එවිට ඔහු සිය බලය නිසා විශ්වාස කිරීමෙන් වැලකි, (මූසා) සූනියම් කාරයකු නැතහොත් උන්මත්තකයකුයි ඔහු කීවේය.

40. එසේ හෙයින් අපි ඔහුවද ඔහුගේ බල ඇණියද හසුකර මුහුදට විසි කළෙමු. ඔහු දොස් ලැබිය යුත්තකු බවට පත්විය.

41. ආද්ගේ චරිතයෙහිද (නුඹලාට සංඥාවක් ඇත.) අපි ඔවුන් වෙත වියලි සුළඟක් එව්වෙමු.

42. එය පැමිණි කිසිවක් සුනු විසුනු කළා මිස නොහැරියේය.

43. සමූද්ගේ චරිතයෙහිද (නුඹට සංඥාවක් ඇත) නුඹලා සුළු කාලයකට විනෝද වනුයි ඔවුනට කියන ලදී.

44. එවිට ඔවුහු තම රබ්(පරමාධිපති)ගේ අණට අකීකරු වූහ. එසේ හෙයින් ඔවුන් බලා සිටියදීම අකුණු සැරයක් ඔවුන් හසුකර ගත්තේය.

45. එවිට ඔවුනට සිටගෙන සිටීමට නොහැකිවිය. තවද තමන් ආරක්ෂා කිරීමට ඔවුනට නොහැකි විය.

46. තවද ඔවුනට පෙර අපි නූහ්ගේ ජනතාවද විනාශ කළෙමු. නියතවශයෙන් ඔවුහු පවුකාර ජනතාවක් වූහ.

47. අහස් ද (අපේම) බලයෙන් අපි මවා සාදා ඇත්තෙමු. තවද ඒවා පිලිබඳ  බලය අපට ඇත.

48. මහපොළොවද අපි එය දිග හැර ඇත්තෙමු. එය විශිෂ්ඨ අන්දමින් දිගහරින්නන්ගෙන් අපි ශ්‍රේෂ්ඨයෝ වෙති.

49. සෑම දෙයක්ම යුගල වශයෙන් මැව්වෙමු, නුඹලා මෙනෙහි කර ගනු පිණිස.

50. එනිසා අල්ලාහ් වෙත පලා යනු. මම නුඹලාට ඔහුගෙන්වූ ප්‍රකට අනතුරු අඟවන්නෙක් වෙමි.

51. තවද අල්ලාහ් සමග වෙනස් දෙවියකු නොතබනු. මම ඔහු වෙතින් නුඹලාට ප්‍රකට අනතුරු අඟවන්නෙක් වෙමි.

52. එලෙසය, ඔවුනට පෙරවූ අය වෙත රසූල්වරයකු පැමිණි සෑම අවස්ථාවකදීම, සූනියම් කාරයෙකි නැතහොත් උන්මත්තකයකුයි ඔවුහු කීවා මිස නැත.

53. ඔවුහු ඒ ගැන(කීම) පොදු එකඟතාවයකට එළබුනෙහිද?  නොඑසේය ඔවුහු කැරලිකාර ජනතාවකි.

54. (නබි මුහම්මද්) එසේ හෙයින් ඔවුන් වෙතින් ඉවත හැරෙනු. නුඹ කෙරෙහි චෝදනාවක් නැත.

55. එහෙයින් අනුශාසනය කරනු. නියත වශයෙන්ම අනුශාසනය විශ්වාසිකයින්ට ප්‍රයෝජනවත්ය.

56. ඔවුහු මා ඇදහීමට මිස මම ජින්වරුන් සහ මිනිසුන් නොමැව්වෙමි.

57. ඔවුන්ගෙන් යැපීමක් බලාපොරොත්තු නොවෙමි. තවද ඔවුන් මා පෝෂණය කළ යුතු යැයි මම බලාපොරොත්තු නොවෙමි.

58. සියලු බලය ඇත්තාවුද සියලු ශක්තියේ හිමිකරුවා වූද අල්ලාහ්මය නියතවශයෙන් පෝෂණය ලබා දෙන්නා.

59. අපරාධ කළවුන්ගේ කොටස (පෙර ජනතාවන්වූ) ඔවුන්ගේ යහළුවන්ගේ කොටස මෙනි. එහෙයින් ඔවුන් ඉක්මන් නොවිය යුතුයි.

60. එනිසා ප්‍රතික්ෂේප කළ අයට, ඔවුනට අවවාද දෙනු ලැබූ ඔවුන්ගේ දිනයේ විනාශයයි.

1. කාෆ්, විභූතිමත් අල්-කුර්ආනයේ නාමයෙන්.

2. නැත, ඔවුන් අතුරින්ම ඔවුන් වෙත අනතුරු අඟවන්නකු පැමිණීම ගැන ඔවුහු මවිතයට පත්වූහ. තවද ප්‍රතික්ෂේප කරන්නෝ මෙය පුදුම දෙයකි යයි කීහ.

3. අප මියගොස් දූවිලි බවට පත්වූ කල්හි අපට නැවතත් පණ දෙනු ලබන්නේද? එම ආපසු පැමිණීම (අපගේ බුද්ධියට) ඉතා දුරස්තය.

4. (කෙසේ වෙතත්) ඔවුන්ගෙන් (සිරුරුවලින්) මහපොළොව උකහා ගන්නා දෑ ගැන අපි ඉතා හොඳින් දනිමු. තවද සෑම දෙයක්ම සුරක්ෂිතව තබා ගන්නා ග්‍රන්ථයක් අප සතුව තිබේ.

5. නොඑසේය, මේ ජනයා සත්‍යය තමන් වෙත පැමිණි කල්හි එය බොරු යයි කීහ. එසේ හෙයින් ඔවුහු කලබලකාරියෙහිය.

6. ඔවුන් තමන්ට ඉහළින් ඇති අහස දෙස බැලුවේ නැද්ද? අපි එය කෙසේ නිර්මාණය කලෙහිමුදැයිද ? තවද එය අලංකාර කලෙමුදැයිද? එහි කිසිම පලදුද්දක් නැත.

7. තවද අප පොළොව දිග හැරියෙමු. තවද එය මත කඳු පිහිටුවෙමු. තවද ඒ මත සෑම වර්ගයකම මනහර ගස් වැල් වැඩෙන්නට සැලස්සුවෙමු.

8. පසුතවිලිවී (අල්ලාහ් වෙත) හැරෙන සෑම ගැත්තෙකුටම දර්ශනයක් ලෙසද සිහිපත් කරවීමක් ලෙසද

9. තවද අහසේ සිට ආශිර්වාද ජලය අපි පහළ කළෙමු. එමගින් උයන් සහ ධාන්‍ය අස්වනු බිජුද හට ගැන්වීමු.

10. එක පිට එක කැන් වැටුණු උස රට ඉදි ගස් සමූහයන්ද (අපි ඇති කළෙමු.)

11. ගැත්තන්ට අභිවෘධියක් ලෙසද, තවද එමගින් මළ ග්‍රාමයකට පණ දුන්නෙමු. (මිය ගිය අය මහපොළොවෙන්) මතුකිරීම ද එලෙසය.

12. ඔවුනට පෙර නූහ්ගේ ජනයාද, රස්ගේ ජනයාද සමූද් ජනයාද (ඔවුහු) බොරු යයි කීහ.

13. ආද් ජනයාද, ෆීර්අවුන්ද, ලූත්ගේ සහෝදරයින්ද (එසේම බොරුයැයි කීහ.)

14. අයිකාහ් වාසිහුද, තුබ්බඅහි ජනයාද මේ සියලු දෙනා රසූල්වරුන් බොරු යැයි කීහ. එහෙයින් (මාගේ) අවවාදය ඔවුනට එරෙහිව සනාථ විය.

15. පළමු නිර්මාණයෙන් අපි ආයාසවීමුද? නැත. පුනර් නිර්මාණය ගැන ඔවුහු සැකයෙහිය.

16. අපි මිනිසා මැව්වේමු. ඔහුගේ සිත තුල නලියන (සියලු) දෑ අපි දනිමු. බෙල්ලේ නහරටත් වඩා අප ඔහු සමීපය/

17. (අපගේ මෙම සෘජු දැනුමට අමතර වශයෙන් ඔහුගේ) දකුණු පසින්ද වම් පසින්ද ලියන්නන් දෙදෙනෙක් ඉඳ සිටිමින් (සෑම දෙයක්ම) සටහන් කරති.

18. ඔහු වචනයක්වත් උච්චාරණය නොකරන්නේය. අවධානයෙන් නිරීක්ෂණය කරන ඔහු ළඟ ඉඳ (එය සටහන් කර) මිස

19. තවද සත්‍යය සමග මරණාසන්න වේදනාව පැමිණෙන්නේය. නුඹ මිදෙන්නට තැත් කරමින් සිටි දේ මෙයමය.

20. එවිට සූර්(හොරනෑව) පිඹිනු ලබන්නේය. වේදනාව ගැන අවවාද කරනු ලැබූ දිනය එයයි.

21. සෑම කෙනකුම තමන් සමග කැඳවාගෙන යන්නකු සහ සාක්ෂිකරුවකු සමග පැමිණෙන්නේය.

22. නුඹ මෙය ගැන නොසැලකිලිමත්ව සිටියේය. නුඹගේ කඩතීරය අද අපි නුඹගෙන් ඉවත් කළෙමු. එනිසා නුඹගේ දෘෂ්ඨිය අද තියුණුය.

23. මාගේ බාරයට පත්කර තිබෙන තැනැත්තාය මේ සිටින්නේ යැයි ඔහුගේ සහචරයා කියන්නේය.

24. (එවිට මෙසේ අණ කරනු ලැබේ.) සෑම හිතුවක්කාර ප්‍රතික්ෂේපකරයෙකුම නිරයට ඇද දමනු.

25. යහකම් අවහිර කලාවුද සීමාව ඉක්මවා ගියාවූද සැක කලාවුද

26. ඔහු අල්ලාහ් සමග වෙනත් දෙවියකු ආදේශ කලාවුද වේ. එහෙයින් ඔහු වඩාත් දරුණු වේදනාවකට ලක් කරනු.

27. අපගේ පරමාධිපතියාණෙනි, මා ඔහුට කැරලි ගැසීමට සැලැස්වුයේ නැත. නමුත් ඔහු ඈත්වූ නොමගේ වී යැයි ඔහුගේ සහචරයා කියන්නේය.

28. මා ඉදිරිපිට වාද නොකරනු. (දරුණු අවසානය ගැන) නියතවශයෙන් මම කලින් නුඹලාට අවවාද කළෙමි යැයි ඔහු(අල්ලාහ්) කීය.

29. මාගේ වචනය වෙනස් කරනු නොලබන්නේය. තවද මම ගැත්තන්ට අසාධාරණය කරන්නෙක්ද නොවෙමි.

30. නුඹ(ගේ කුස) පිරි ඇත්දැයි අප නිරයෙන් අසන දිනයේ තවත් යම් කිසිවකු ඇත්දැයි ඇය අසයි.

31. එමෙන්ම එය දුරස්ථ නොවී බියබැතිමත් ඇය අසලට ස්වර්ගය ගෙනෙනු ලබයි.

32. (අල්ලාහ් වෙත) නැවත නැවතත් නැඹුරු වී තමන්ගේ චරිතය ගැන පරීක්ෂාකාරීවූ සෑම කෙනකුටම ඇතැයි නුඹලාට පොරොන්දු දෙනු ලැබූ දෑ මෙයයි.

33. තමන්ට ගුප්ත වූ අර්-රහ්මාන්(පරම දයාන්විතයානන්)ට බියවී පසුතැවිලි සිතින් යුතුව පැමිණෙන අයට

34. සාමයෙන් එය(ස්වර්ගය)ට පිවිසෙනු. එය සදාකාලික (ජීවිතයේ පරම) දිනය වෙයි.

35. එහිදී ඔවුන් අභිමත වන දෑ ඔවුනට තිබේ. තවද අප වෙත (ඔවුනට) තවත් බොහෝ දෑ ඇත.

36. ඔවුනට වඩා ඉතා බලසම්පන්න කොපමණ ජාතින් ඔවුනට පෙර අපි විනාශ කලෙමුද? ඔවුහු සෑම රටකම (අපරාධ කරමින්) සැරිසැරූහ. නමුත් ඔවුනට කිසියම් අභය ස්ථානයක් සොයාගත හැකි වුවාද?

37. යමෙකුට හදවතක් තිබේද, නැතහොත් සැලකිලිමත්ව සවන් දෙන්නේද ඔහුට නියතවශයෙන් මෙහි සිහිපත් කිරීමක් ඇත.

38. අහස් සහ මහපොළොවද ඒ දෙක අතර ඇති දෑ නියතවශයෙන් අප දවස් හයක් ඇතුලත මැව්වෙමු. අපට කිසිම ආයාසයක් නොදැණුනි.

39. (නබි මුහම්මද්) මෙනිසා ඔවුන් පවසන දෑ ඉවසීමෙන් විඳ දරා ගනු. හිරු උදාවීමට පෙරත් හිරු බැස යෑමට පෙරත් නුඹගේ රබ්(පරමාධිපති)ට පැසසුම් කරමින් සුවිශුද්ධ කරනු.

40. තවද රාත්‍රීයෙහිද සුජූද් කල පසු ඔහු සුවිශුද්ධ කරනු.

41. කැඳවන්න සමීප තැනක සිට කැඳවන දිනයේ සවන් දෙනු.

42. ඔවුන් ගිගුරුම සැබවින්ම අසන දිනයයි. එය (මිය ගිය අය මහපොලොවන්) මතුවන දිනයයි.

43. නියත වශයෙන් අපිමය ජීවය ලබා දුන්නේ. තවද මරණයට පත් කරන්නේ, තවද (සියලු දෙනාගේම) ආපසු පැමිණීම අප වෙතමය.

44. මහපොළොව පුපුරා සී සී කඩ (ඉවතට විසිවන) දිනය, ඔවුන් (මිනීවළ සිට කඩීමුඩියේ) දිව යන දිනයයි. එය, (ඔවුන්) එක්රැස් කිරීම අපට ලෙහෙසිය.

45. (ඕ මුහම්මද්) ඔවුන් කියන දෑ අපි ඉතා හොඳින් දනිමු. නුඹ ඔවුන් මත බලකරන්නෙක් නොවෙයි. එනිසා අනතුරු ඇඟවීමට බියවන අයට කුර්ආණයෙන් අනුශාසනය කරනු.

අපරිමිත දයාන්විත අසමසම කරුණාන්විත අල්ලාහ්ගේ නාමයෙනි.

1. විශ්වාසවන්තයිනි, අල්ලාහ් සහ ඔහුගේ රසූල්වරයා අභිබවා නොයනු. අල්ලාහ්ට බියවනු. අල්ලාහ් නියතවශයෙන් සර්වශ්‍රාව්‍යය. සර්ව ඥානීය.

2. විශ්වාසවන්තයිනි, නුඹලාගේ කට හඬ නබිවරයාගේ කට හඬට වඩා උස් නොකරනු. නුඹලාගෙන් ඇතැමෙක් ඇතැමකුට හඬ නගා කතා කරන්නාක් මෙන් ඔහු(නබි වරයා)ට හඬ නගා කතා නොකරනු. එසේ වී නම් නුඹලා නොදැනුවත්වම නුඹලාගේ සියලු කටයුතු නිශ්පල වන්නේය.

3. නියත වශයෙන් රසූල්වරයා අබියස තම කට හඬ පහත් කරන්නෝ ඔහුවුමය තම සිත්හි බියබැතිමත් භාවය සඳහා අල්ලාහ් පිරික්සූ අය වන්නේය. ඔවුනට සමාවද විශාල ආනිසංසද ඇත.

4. (නබි මුහම්මද්, නුඹේ) නවාතැන්වලින් බැහැරව සිට නුඹ අමතන වැඩි දෙනෙකුට නියත වශයෙන්ම බුද්ධියක් නැත.

5. නුඹ එළි බැස ඔවුන් වෙත යන තෙක් ඔවුන් ඉවසා සිටියා නම් එය ඔවුනට වඩාත් යහපත්ය. අල්ලාහ් සර්ව ක්ෂමා ශීලිය. අසමසම කරුණාන්විතය.

6. විශ්වාසවන්තයිනි, දුෂ්ඨයකු නුඹලා වෙත කිසියම් ආරංචියක් ගෙනෙන්නේ නම් නුඹලා ඒ ගැන සුපරික්ෂාකාරීවසොයා බලනු.  (මන්ද) නුඹලා නොදැනුවත්වම කිසියම් ජනතාවකට හිංසාවක් කර, නුඹලා කළ දෑ ගැන පසුව සිත් වේදනාවන්නට පුළුවන.

7. තවද අල්ලාහ්ගේ රසූල්වරයා නුඹලා අතරෙහි සිටින බව මැනවින් දැනගනු. බොහෝ කටයුතුවලදී ඔහු නුඹලාට එකඟ වන්නේ නම් නුඹලාට නියත වශයෙන්ම කරදර සිදුවෙයි. නමුත් අල්ලාහ් නුඹලා තුල විශ්වාසය සම්බන්ධයෙන් උනන්දුවක් ඇති කර එය නුඹලාගේ සිත්හි සිත්කළු කළේය. තවද අවිශ්වාසයද අකීකරුකමද වැරදි කිරීමද නුඹලාට පිළිකුල් කළේය. ඔවුහුය යහමග යන්නෝ.

8. එය අල්ලාහ්ගෙන් වූ අනුග්‍රහයකි. තවද වරප්‍රසාදයකි. අල්ලාහ් සර්වඥය. සර්ව ප්‍රාඥය.

9. විශ්වාසිකයින් අතුරින් දෙපක්ෂයක් එකිනෙකා සමග සටන් කෙරෙත් නම් ඔවුන් දෙගොල්ලන් අතර සමගිය ඇති කරනු. දෙපක්‍ෂයෙන් එක් පක්ෂයක් සීමාව ඉක්මවා යන්නේ නම්, අල්ලාහ්ගේ අණට කීකරු වනතුරු සීමාව ඉක්මවා ඇති පක්ෂයට විරුද්ධව සටන් කරනු. ඉන්පසුව එය ආපසු පැමිණෙයි නම් ඔවුන් දෙගොල්ලන් අතර සමගිය ඇති කරනු. තවද යුක්තිය ඉටු කරනු. නියතවශයෙන් යුක්තිය ඉටු කරන අය අල්ලාහ් ප්‍රිය කරයි.

10.  මුහ්මින්වරු එකිනෙකාට සහෝදරයෝ වෙති. එනිසා නුඹලාගේ සහෝදරයින් අතර සම්භන්ධතාවය තහවුරු කරනු. නුඹලාට දයාලුභාවය ලැබෙනු පිණිස අල්ලාහ්ට බියබැතිමත් වනු.

11. විශ්වාසවන්තයිනි, (පුරුෂයින්ගෙන්) පිරිසක් තවත් පිරිසකට සමච්චල් නොකළ යුතුයි. ඔවුන්ට වඩා මොවුන් හොඳ විය හැකිය. තවද ස්ත්‍රීන්(ගෙන් පිරිසක්) තවත් ස්ත්‍රීන්(පිරිසක)ට සමච්චල් නොකළ යුතුය. ඔවුනට වඩා මොවුන් හොඳ විය හැකිය. නුඹලා අතර එකිනෙකාට ඇනුම්පද නොකිව යුතුය. තවද එකිනෙකාට විකට නම් වලින් ආමන්ත්‍රණය නොකළ යුතුය. විශ්වාසයෙහි පිහිටීමෙන් පසුව නරක නමකින් ඇමතීම ඉතා නපුරුය. මෙයින් වැලකි නොසිටින්නේ කවරෙක්ද ඔවුහු අපරාධ කාරයෝය.

12. විශ්වාසවන්තයිනි, නුඹලා අධිකව අනුමානයෙන් සැකකිරීමෙන් වලකිනු. නියත වශයෙන් ඇතැම් සැක සිතීම් පාපයකි. ඔත්තු බැලීමෙන් වැලකී සිටිනු. නුඹලාගෙන් සමහරෙකු සමහරෙකුට ඕපදූප නොකියනු. මියගිය තම සහෝදරයාගේ මස් අනුභව කිරීමට නුඹලා අතුරින් යම් කෙනෙකු කැමතිද? නැත. නුඹලාම එය පිළිකුල් කරන්නෙහිය. තවද අල්ලාහ්ට බිය බැතිමත්වනු. අල්ලාහ් පසුතැවිලි භාරගන්නාද අසමසම කරුණාන්විතයාද වෙයි.

13. ජනයිනි, අපි නුඹලා පිරිමියකුගෙන්ද ගැහැනියකගෙන්ද මැව්වේමු. නුඹලා එකිනෙකා හඳුනා ගැනීම පිණිස අප නුඹලා ජාතින් හා ගෝත්‍රයන් කළෙමු. නියතවශයෙන් අල්ලාහ් හමුවේ, නුඹලා අතුරින් ඉතා ගෞරවනීය වන්නේ නුඹලා අතුරින් ඉතාමත්ම බියබැතිමත්වූ අයයි. නියතවශයෙන්ම අල්ලාහ් සර්වඥය, සර්ව ප්‍රාඥය.

14. අපි විශ්වාස කලෙමු’යි  කාන්තාර අරාබිවරු කියති. නුඹලා විශ්වාස කර නැත. නමුත් අපි අවනත වූයෙමු යයි කියනු. විශ්වාසය තාමත් නුඹලාගේ හදවත් තුලට පිවිස නැත. නුඹලාගේ අල්ලාහ්ටත් ඔහුගේ රසූල්වරයාටත් කීකරු වනවා නම් ඔහු නුඹලාගේ කටයුතුවලට (අදාළ තිලිනයෙන්) කිසිම දෙයක් අඩු නොකරනු ඇත. අල්ලාහ් නියතවශයෙන්ම සර්ව ක්ෂමාශීලීය. අසමසම කරුණාන්විත යැයි (නබි මුහම්මද්) කියනු.

15. සැබෑ මුහ්මින්වරුන් වන්නේ අල්ලාහ් සහ ඔහුගේ රසූල්වරයා විශ්වාස කර, ඉන්පසුව ( ඒ ගැන) සැක නොකර තම ධනයෙන්ද තම දිරියෙන්ද අල්ලාහ්ගේ මාර්ගයේ සටන් කල අයයි. ඔවුහුමය සත්‍යවාදීහු.

16. (‘තමන් විශ්වාසය කළා’ බවට කියා සිටින අයට) නුඹලා නුඹලාගේ දහම පිළිබඳව අල්ලාහ්ට සැලකර සිටින්නේහුද? අල්ලාහ් අහස්වල සහ මහපොළොවේ සියලු දෑ ගැන මැනවින් දනී (නබි මුහම්මද්!) කියනු.

17. ඔවුන් ඉස්ලාමය පිළිගෙන තිබීම නුඹට දක්වන අනුග්‍රහයක් වශයෙන් ඔවුහු සලකති. නුඹලාගේ ඉස්ලාමය මට දක්වන අනුග්‍රහයක් නොවන්නේය. නමුත් නුඹලා සත්‍යවාදී නම් අල්ලාහ් නුඹලා විශ්වාසය වෙත මග පෙන්වීමෙන් නුඹලාට අනුග්‍රහය දක්වා ඇතැයි (නබි මුහම්මද්!) කියනු.

18. අහස්වල සහ මහපොළොවෙහි ගුප්තය ගැන නියතවශයෙන්ම අල්ලාහ් දනී. නුඹලා කරන සියලු දෑ සම්භන්යෙන් අල්ලාහ් සර්ව දෘෂ්ඨිකය.

අපරිමිත දයාන්විත අසමසම කරුණාන්විත අල්ලාහ්ගේ නාමයෙන්

1. (නබි මුහම්මද්!) නියතවශයෙන් අපි නුඹට ප්‍රකට ජයග්‍රහණයක්‌ ලබා දුන්නෙමු.

2. නුඹගේ පෙර සහ පසු පව්වලට සමාව දීම පිණිසද නුඹට ඔහුගේ ආශිර්වාද සපුරාලනු පිණිසද නුඹ සෘජු මාර්ගයට පමුනුවනු පිණිසද

3. අල්ලාහ් නුඹට බලසම්පන්න උදව්වක් කරනු පිණිසද

4. ඔවුන් විශ්වාසය සමඟ (තව තවත්) විශ්වාසය වැඩි කරනු පිණිස මුහ්මීන්වරුන්ගේ සිත තුලට සැනසීම පහල කලේ ඔහුය. තවද අහස්වල සහ මහපොළොවෙහි සේනා අයිතිවන්නේ අල්ලහ්ටය. අල්ලාහ් සර්වඥ සහ සර්ව ප්‍රාඥවන්නේය.

5. (ඔහු මෙය කර තිබෙන්නේ) යටින් දිය දහරාවන් ගලා බසිනා ජන්නාහ්වට (ස්වර්ග උයනට) මුහ්මින්වරුන් සහ මුහ්මින්වරියන් ඇතුළු කර ඔවුන් එහි සදාකලිකයන් කරවීම පිණිසය. ඔවුන්ගෙන් ඔවුන්ගේ නපුරුකම් පහකිරීම පිණිසය තවද මෙය අල්ලාහ්ගේ සන්නිධානයෙහි මහත් ජයග්‍රහණයක්‌ වන්නේය.

6. තවද (එය) අල්ලාහ් සම්භන්ධයෙන් පව්කාර අදහස් දරන (කුහක) මුනාෆික්‌වරුන් සහ මුනාෆික්‌වරියන්ටත් (ආදේශ තබන) මුෂ්රික්වරුන් සහ මුෂ්රික්වරියන්ටත් දඩුවම් කිරීම සඳහාය. (ඔවුන් සැලසුම් කල ඔවුන්ගේ) අකුසලය නැවත පෙරලා ඔවුන් වෙලා ගන්නේය. තවද අල්ලාහ් ඔවුන් කෙරෙහි කෝප විය. තවද අල්ලාහ් ඔවුනට ශාප කළේය. තවද ඔවුනට නිරය. පිළියෙළ කළේය. එය අවසානයේ යන තැනින් ඉතා නපුරුය.

7. අහස්වල සහ මහපොළොවේ සේනා අල්ලාහ්ට අයිතිය. අල්ලාහ් සර්ව බලධාරී සහ සර්ව ප්‍රඥවන්නේය.

8. (නබි මුහම්මද්!) නියතවශයෙන් අපි නුඹ සාක්ෂිකරුවකු වශයෙන් ද ශුභාරංචි දරන්නෙකු වශයෙන් ද අනතුරු අන්ගවන්න්කු වශයෙන් ද එව්වෙමු.

9. (ඔහු එසේ කළේ) නුඹලා අල්ලාහ් සහ ඔහුගේ රසූල්වරයා කෙරෙහි විශ්වාසය තැබීමටත් ඔහු(රසූල්වරයා)ට උදව් කිරීමටත්, ඔහුට ගරු කිරීමටත් නුඹලා උදේ සවස ඔහු(අල්ලාහ්) සුපිවිතුරු කිරීමටත්ය.

10. (නබි මුහම්මද්) සැබවින්ම නුඹට ප්‍රතිඥා දුන් අය, නියතවශයෙන් අල්ලාහ්ටය ප්‍රතිඥා දුන්නේය. අල්ලාහ්ගේ ඇත ඔවුන්ගේ අත්වලට ඉහළින්ය. යමෙක් ප්‍රතිඥාව කඩ කරන්නේ නම්, එය කඩ කරන්නේ තමාටම එරෙහිවය. යමෙක් අල්ලාහ් සමඟවූ ගිවිසුම එලෙසම ඉටු කරනුයේ කවරෙක්ද, ඔහුට මතු මහා තිළිණයක් ඔහු පිරි නමන්නේය.

11. (නබි මුහම්මද්) අපේ වස්තුවත්, අපේ දරු පවුලත් අපට කාර්ය බහුල කළහ. එනිසා අප වෙනුවෙන් සමාව අයැදිනු මැනවයි කාන්තාරයේ අරාබිවරුන්ගෙන් පසුබට වූ අය කියති. ඔවුහු තම සිත් තුල නොපවතින දෑ තම මුවින් කියති. එසේ නම් නුඹලාට අයහපතක් හෝ යහපතක් සිදුවීම අල්ලාහ්ගේ අභිමතය නම් ඔවුන්ගේ එම තීන්දුව වැලක්විය හැක්කේ කවරෙකුටදැයි ඔවුනට කියනු. නුඹලා කරන සියලු දෑ අල්ලාහ් මැනවින් දන්නේය.

12. නොඑසේය, රසූල්වරයා මුහ්මින්වරුන්ද කිසිකලෙක ඔවුන්ගේ දරු පවුල් කරා නොඑනු ඇතැයි නුඹලා සිතූහ. එය නුඹලාගේ සිත් දැකුම් කළු කළේය. තවද නුඹලා නපුරු සිතුවිල්ලක් සිතූහ. නුඹලා ඉතාමත් දුෂ්ඨ ජනතාවකි.

13. යමේක් අල්ලාහ් ගැනද ඔහුගේ රසූල්වරයා ගැනද විශ්වාස නොකරන්නේ නම්, නියතවශයෙන් (එවැනි) ප්‍රතික්ෂේප කරන්නවුනට දැල්වෙන ගින්න අපි පිළියෙළ කළෙමු.

14. අහස්වල සහ මහපොළොවේ රාජධානිය අල්ලහ්ටය. ඔහු අභිමත අයට ඔහු සමාව දෙන්නේය. තවද ඔහු අභිමත අයට ඔහු දඩුවම් දෙන්නේය. අල්ලාහ් සර්ව ක්ෂමාශීලීද, අසමසම කරුණාන්විතද වන්නේය.

15.  නුඹලා ඝනීමත් (යුධ බිමේ සතුරා අතහැර ගිය වස්තුව) ගැනීමට යන විට නුඹලා සමග යෑමට අපටත් අවසර දෙනුයි (සටන් කිරීමට යෑමට) පසුබට වූ අය කියති. ඔවුහු අල්ලාහ්ගේ තීන්දුව වෙනස් කිරීමට අදහස් කරති.  නුඹලා අප සමඟ යා යුතු නැතැයි අල්ලාහ් මීට පෙර පවසා ඇති බව (නබි මුහම්මද්) කියනු. එවිට නොඑසේය, නුඹලා අප ගැන ඊර්ෂ්‍යා කරන්නේහු යයි ඔවුහු කියති. නොඑසේය, ස්වල්ප වශයෙන් මිස ඔවුහු වටහා නොගනිති.

16. ඉතා බලවත් ජනතාවක් සමග සටන් කිරීමට නොබෝ කලකින්ම නුඹලා කැඳවනු ඇත. එවිට ඔවුන් යටත් වුයේ නැති නම් ඔවුන් සමග නුඹලා සටන් කල යුතුයි. නුඹලා කීකරු වන්නාහු නම් අල්ලාහ් නුඹලාට හොඳ තිලිණ පිරිනමනු ඇත. නුඹලා මීට පෙර පිටු පෑ ලෙසින් පිටු පෑවොත් අල්ලාහ් නුඹලාට වේදනීය දඩුවමකින් දඩුවම් කරන්නේය යැයි කාන්තාරයේ අරාබිවරුන්ගේ (සටන් කිරීමට යෑමට) ප්‍රමාද වූ අයට (නබි මුහම්මද්) කියනු.

17. (කෙසේවුවත් සටනට නොපැමිණියාවූ) අන්ධයාට වරදක් නැත. තවද කොරාටද වරදක් නැත. තවද රෝගීයාටද වරදක් නැත. අල්ලාහ්ට සහ ඔහුගේ රසූල්වරයාට කීකරුවන්නේ කවරෙක්ද  ? එහි යටින් දිය දහරාවන් ගලා බසිනා ස්වර්ග උයන්වලට ඔහු (අල්ලාහ් එවන් අය) ඇතුළු කරවන්නේය. යමකු පිටුපාන්නේ කවරෙක්ද? ඔහුට වේදනීය දඩුවමකින් දඩුවම් කරන්නේය.

18. 19. ඔවුන් (මුහ්මීන්වරු) ගස යට සිට (නුඹට පක්ෂපාතිව) දිවුරුම් දුන් කල්හි අල්ලාහ් මුහ්මින්වරුන් ගැන තෘප්තියට පත විය. එවිට ඔවුන්ගේ හදවත තුල පවතින දේද ඔහු දැන ගත්තේය. එහෙයින් ඔහු ශාන්ත භාවය ඔවුන් කෙරෙහි පහල කළේය. තවද ඔහු සමීප ජයග්‍රහණයක්ද යුධ බිමේදී ඔවුනට අත්වන වස්තු රාශියක්ද ඔවුනට පිරිනැමුවේය. අල්ලාහ් සර්ව බලපරාක්‍රම, සර්ව ප්‍රාඥ වන්නේය.

20. යුධ බිමේදී අතහැර දමන ලද බොහෝ ඝනීමත්(වස්තු) නුඹලා ලබගන්නාහු යයි අල්ලාහ් නුඹලාට පොරොන්දු විය. ඒ අනුව දැනට ඔහු නුඹලාට මෙම ජයග්‍රහණය දුන්නේය. තවද නුඹලාට පහරදීමෙන් ජනයාගේ අත් වැලක්වුයේය. මුහ්මින්වරුන්ට සංඥාවක් වීම පිණිස හා ඔහු (අල්ලාහ්) නුඹලා සෘජු මාර්ගයට යොමු කිරීම පිණිසයි.

21. තවද (අල්ලාහ්) එය වටකර ගත්, නුඹලාට (මෙතෙක්) ලබාගත නොහැකිවූ (යුධ බිමේ අත්හැර දැමු) අනෙකුත් දෑද (ලබාදීමට අල්ලාහ් පොරොන්දු වෙයි.) අල්ලාහ් සෑම දෙයක් සම්භන්ධයෙන්ම සර්ව බලසම්පන්න වන්නේය.

22. ප්‍රතික්ෂේපකයින් නුඹලාට විරුද්ධව සටන් කළා නම් ඔවුහු නියත වශයෙන්ම පිටුපාන්නෝ වෙති. ඉන්පසු ඔවුහු කිසිම ආරක්ෂකයකු හෝ උදව්කාරයකු නොලබන්නෝය.

23. අල්ලාහ්ගේ පෙර ඉකුත්වූ පිළිවෙත මෙයයි. අල්ලාහ්ගේ පිළිවෙතෙහි කිසිම වෙනසක් නුඹ නොදකින්නෙහිමය,

24. මක්කාහ් මිටියාවතෙහි ඔවුන් මත නුඹලා ජයග්‍රාහකයින් කල පසු ඔවුන්ගේ අත් නුම්බලාගෙන්ද නුඹලාගේ අත් ඔවුන්ගෙන්ද වැළැක්වූයේ ඔහු(අල්ලාහ්)ය. තවද අල්ලාහ් නුඹලා කරන දේ දකින්නෙකු වන්නේය.

25. ප්‍රතික්ෂේප කරමින් මස්ජිදුල් හරාමයෙන් නුබලාද අල් – හද්යු (කැප කිරීමට නියමිත) සතුන් ඝාතන ස්ථානයට ලගාවීමෙන් වලක්වුයේද ඔවුන්ය. (මක්කාවෙහි) නුඹලා ඔවුන් නොදන්නා විශ්වාසික පුරුෂයින් සහ විශ්වසික ස්ත්‍රීන් නොසිටියේ නම්, තවද නුඹලා නොදැනුවත්වම නුඹලා විසින් ඔවුන් පයට පෑගීම හේතුකොට ගෙන නුඹලාට ඔවුන්ගෙන් චෝදනාවක් ඇති වන්නේය. (එවිට සටන් කිරීම නැවැත්වීම සඳහා අවසර නොදෙන්නට තිබිණි. එය නවත්වන ලද්දේ) අල්ලාහ්ට අභිමත අය ඔවුගේ පරම දයාවට ලක් කර ගැනීම සඳහාය. මුහ්මින්වරුන් ඔවුන්ගෙන් (මක්කාහ්වේ ජනයාගෙන්) වෙන්ව සිටියා නම් ඔවුන් අතර සිටි ප්‍රතික්ෂේපකයින්ට අප වේදනීය දඩුවමක් දෙන්නට තිබුණි.

26. ප්‍රතික්ෂේපකයින් තම සිත් තුල අඥාන උඩගුව ඇති කරගත් අවස්ථාවේ අල්ලාහ් සිය සාමය තම රසුල්වරයා සහ මුහ්මින්වරුන් වෙත පහල කළේය. තවද ඔවුන් බිය බැති වදනට බැඳී ජීවත්වන අය බවට පත් කළේය. ඔවුහු ඊට සුදුස්සෝද කිමිකරුවෝද වූහ.  සියලු දෑ කෙරෙහි අල්ලාහ් සර්ව ඥානී වන්නේය.

27. නියතවශයෙන්ම අල්ලාහ් තම රසූල්වරයාගේ සිහිනය සත්‍ය කළේය. (එය සියුම් වශයෙන් යථාර්තයට අනුකූල වෙයි.)  අල්ලාහ් අභිමත වී නම් නුඹලා හිස් බූගා ගනිමින්ද හිසකේ කොට කර ගනිමින්ද කිසිදු බියකින් තොරව පූර්ණ ආරක්ෂාව සහිතව මස්ජිදුල් හරාමයට නුඹලා නියත වශයෙන් පිවිසෙන්නාහුය. නුඹලා නොදැන සිටි දේවල් ඔහු(අල්ලාහ්) දැන සිටි. එනිසා (සිහිනය මුදුන් පත් කර ගැනීමට පෙර) ඔහු සමීප ජයග්‍රහණය ලබා දුන්නේය.

28. එය සියලු ආගම්වලට වඩා (ඉහලින්) ඉස්මතු කරවන පිණිස යහමග සහ සත්‍ය ධර්මය සහිතව ඔහුගේ රසූල්වරයා එව්වේ ඔහුමය. (මෙයට) සාක්ෂියක් වශයෙන් අල්ලාහ් ප්‍රමාණවත්ය.

29. මුහම්මද් අල්ලාහ්ගේ රසූල්වරයාය. ඔහු සමගවූ අප අවිශ්වාසිකයින් කෙරෙහි ඉතා දාඩිය. තම තමන් අතරෙහි දයාලුය. අල්ලාහ්ගේ ආශිර්වාදයත් ප්‍රසාදයත් අයැදිමින්, ඔවුන් රුකුඋ සහ සුජූද් හි සිටිනු නුඹ දකින්නේහිය. සුජූද් කිරීමෙන් වූ සලකුණු ඔවුන්ගේ මුහුනුවලය. (මෙම සලකුණු මගින් ඔවුන් හඳුනා ගත හැකිය.) තව්රාතයේ මොවුන් ගැන සඳහන් උපමාවද එසේය. ඉන්ජීලයෙහි ඔවුන්ගේ උපමාව, දළු දමන භෝගයකි. පසුව එය ශක්තිමත් වෙයි. ඉන්පසුව එය විශාල වෙයි. ඉන්පසුව ස්වකීය කදෙන් නැගී සිටියි. මෙය, එය වපුරන්නන්ට සතුට ගෙන දෙයි. මෙය ප්‍රතික්ෂේප කරනවුන්ට ප්‍රකෝපය ඇති කරවයි. මොවුන් අතුරින් විශ්වාස කර යහකම් කරන අයට සමාවත්, විශාල තිලිණ ඇතැයි අල්ලාහ් ප්‍රතිඥා දෙයි.